Procedemento de matrícula
As e os doutorandos admitidos nun programa de doutoramento matricularanse, de ser o caso, nas actividades formativas determinadas pola CAPD e anualmente polo concepto de tutela académica do doutoramento, tras a avaliación positiva da CAPD, no portal da UVigo:
A matrícula de tutela académica outórgalle ao doutorando/a o dereito á titoría académica, ao uso dos recursos necesarios para desenvolver o seu traballo e á plenitude de dereitos previstos pola normativa para o estudantado de doutoramento.
Matrícula a tempo parcial
Os e as estudantes do programa poderán matricularse a tempo completo ou a tempo parcial. Para formalizar a matrícula a tempo parcial, será requisito indispensable o informe favorable da CAPD. A condición de doutorando a tempo parcial deberá solicitarse á CAPD achegando os documentos xustificativos, xa que para obter a condición de doutorando a tempo parcial deberá acreditarse algunha das circunstancias recollidas no Artigo 24 do Regulamento de Estudos de Doutoramento da universidade.